بھگت سنگھ

رائے محمد خاں ناصر
ساندل بار نوں مونہہ تے لے آ
بھاویں اس توں سونہہ چوا لا
ساندل بار نوں مڑ نہ لدھا
بھیں کے راٹھ اجیہاجیہڑا
کالے کٹ ہنیر دی ہِک تے
بال کے ڈیوا مُنگ دَلدا ہا
ڈیوا لہو دے بھاء بَلدا ہا
ساندل بار نوں مونہہ تے لے آ
سونہہ چوا لا میتھوں بھاویں
مُنگ دَلدا ہا بال کے ڈیوا
مُنگ دا دَلنا،ڈیوا بَلنا
مطلب رات اے،کدھرے آس اے
ساندل بارے!آس کِدے ای
راٹھاں آ لی راس کدے ای
جمدیاں ہاہنی راٹھ جو ماواں
کدے گئیاں اوہ ٹھڈھیاں چھاواں
ہیٹھ جنہاندے پَلدے راٹھ ہائے
ڈیوے بال کے بَلدے راٹھ ہائے
مڑ ہک احمد خاں لیا دے
بھگت لیا،بلیدان لیا دے
راٹھ جُو ہاں دا کج ہندے نی
جین مرن دا چج ہندے نی
یاتاں ساندل بارے بھیڑیئے
راٹھ جما مڑ کُکھ کسے چوں
نہیں تے ناصرئ سوچی واندا ای
ماواں آلا، سچ ای کوڑ اے
یا مڑ تیری مٹی دھوڑ اے

Leave a Reply

Your email address will not be published.