مؤرخہ 5 اگست کو پروگریسیو سٹوڈنٹس کولیکٹیو کراچی کیبنٹ نے طلبہ کے لئے سمر پولیٹیکل سکول بمقام ارتقاء انسٹیٹیوٹ آف سوشل سائنسز، کراچی میں انعقاد کیا۔
تفصیلات کے مطابق موضوعات میں انقلابی طلبہ سیاست، سوشلسٹ فیمنزم اور لبرل فیمنزم کے مابین فرق، آرٹ اور پولیٹکس اور انسانی حقوق اور موجود دور کی بائیں بازو کی سیاستی صورت حال پر تجزیہ وغیرہ شامل تھے۔ پہلے سیشن میں مقررین میں پروفیسر اعجاز قریشی سابق طلبہ رہنما، مبشر جہانگیر سینٹرل آرگنائزر جے ایس ایس ایف، سیفی صدر پروگریسیو سٹوڈنٹس فیڈریشن کراچی، ساجد خان پروگریسیو یوتھ الائنس کراچی یونیورسٹی، نیاز احمد راہوکرو صدر پروگریسیو سٹوڈنٹس کولیکٹیو حیدرآباد، سید رضا سینٹرل سوشل میڈیا کوآرڈینیٹر ڈیموکریٹک سٹوڈنٹس فیڈریشن شامل تھے جبکہ موڈریٹر من و سلویٰ رکن پروگریسیو سٹوڈنٹس کولیکٹیو کراچی، تھیں۔ دوسرے سیشن میں مقررین میں ابیرا اشفاق وویمن ڈیموکریٹک فرنٹ، صنا رضوان اکیڈمیکس، عورت مارچ کی آرگنائزر جبکہ کائنات انصاری جنرل سیکریٹری پروگریسیو سٹوڈنٹس کولیکٹیو کراچی بطور موڈریٹر شامل تھیں۔ تیسرے سیشن میں شیما کرمانی تحریک نسواں، فواد خان تھیٹر آرٹسٹ/ایکٹر، زہابیہ خزیمہ ایکٹیویسٹ/آرٹسٹ، مجتبیٰ زیدی تھیٹر آرٹسٹ، عمار دیو رکن پروگریسیو سٹوڈنٹس کولیکٹیو کراچی شامل تھے جبکہ بسمہ برکت رکن پروگریسیو سٹوڈنٹس کولیکٹیو کراچی بطور موڈریٹر موجود تھیں۔ اسی طرح چوتھے سیشن میں جسونت سنگھ صدر پروگریسیو سٹوڈنٹس کولیکٹیو کراچی بطور موڈریٹر تھے جبکہ عمار عزیز صدر اے ڈبلیو پی کراچی ایسٹ، کرشمہ رکن ڈبلیو ڈی ایف، عابد علی جنرل سیکریٹری کراچی کمیٹی ایم کے پی، منصور علی سٹڈی سرکل انچارج پی ایس سی کراچی، خلیق جونیجو سندھ انڈیجنویس رائیٹس الائنس مقررین میں شامل تھے۔
اس موقع پر صدر پروگریسیو سٹوڈنٹس کولیکٹیو کراچی، جسونت سنگھ کا کہنا تھا کہ پروگریسیو سٹوڈنٹس کولیکٹیو کی روایت رہی ہے کہ وہ ہمیشہ طلبہ کے مسائل کے حل اور ان کی آگاہی کے لئے آگے رہی ہے چاہے وہ سٹڈی سرکلز ہوں یا طلبہ یکجہتی مارچ کا انعقاد کرنا ہو۔ انہوں نے کہا کہ ان سیشنز کا مقصد طلبہ کی نظریاتی پختگی اور ان کے درمیان نظریاتی خلیج کو کم کرنا مقصود ہے۔
اس حوالے سے پروگریسیو سٹوڈنٹس کولیکٹیو کے سینٹرل سیکریٹری جنرل حارث احمد آزادی کا کہنا تھا کہ اس طرح کے پولیٹیکل سکولز طلبہ کے لیے نہایت ضروری ہیں۔ ان کا کہنا کا تھا کہ ایسے پولیٹیکل سکولز ساتھیوں کی نظریاتی پختگی کے لیے سنگ میل ثابت ہوئے ہیں جس سے ان کی سیاسی تعلیم و تربیت ممکن ہوتی ہے۔ انہوں نے مزید کہا کہ ان پولٹیکل سکولز کے باعث طلبہ جدوجہد کے طریقے سیکھتے ہیں اور ان کے حوصلے بلند ہوتے ہیں۔ انہوں نے کہا کہ پی ایس سی کراچی کی جانب سے ایسی سرگرمی کرنا بہت اچھی کوشش ہے۔ انہوں نے اس جانب زور دیا کہ طلبہ کے لیے ایسی سرگرمیاں جاری رکھنی چاہئیں تاکہ انہیں اس سے سیاسی شعور ملتا رہے اور کل کو وہ کوئی بڑا کام کرنے کے اہل ہو سکیں
