فلسطین سے یکجہتی کے لیے پی ایس سی اور ایچ کے ایم کا احتجاج

گزشتہ روز بروز بدھ ۱۲ مئی 4:30 بجے سہ پہر طلبہ تنظیم پروگریسو سٹوڈنٹس کلیکٹو اور بائیں بازو کی سیاسی تنظیم حقوق خلق موومنٹ کی جانب سے فلسطین کے ساتھ اظہار یکجہتی اور اسرائیلی نوآبادیاتی مظالم کے خلاف لبرٹی چوک لاہور پر احتجاجی مظاہرہ کیا گیا۔

مظاہرے کے شرکاء میں طلبہ، صحافیوں، مزدورں سمیت کئی اہم سماجی شخصیات شامل تھیں۔ ان رہنماؤں نے اپنے خطابات میں اسرائیل کے مظالم کی شدید مذمت کی اور یہ واضح کیا کہ کس طرح عالمی ادارے اسرائیل کی فسطائیت اور قبضہ گیری پر خاموش ہیں۔ بایاں بازو کے ان رہنماؤں کا کہنا تھا کہ ترقی پسند قوتوں کے عالمی سطح پر یکجا ہو جانے سے وہ اسرائیلی فسطائیت کا مقابلہ کر سکتے ہیں اور فلسطینیوں کا ساتھ دے سکتے ہیں۔

پروگریسو سٹوڈنٹس کولیکٹو کے صدر محسن ابدالی کا کہنا تھا کہ ان کی تنظیم مزاحمت پر یقین رکھتی ہے اور انھوں نے ذاتی طور پر مزاحمت کا سبق فلسطینوں سے سیکھا ہے جنہیں وہ آج خراج عقیدت پیش کرنے آئے ہیں۔ انھوں نے کہا کہ استعماری آبادکاری استعماریت کی بدترین شکل ہے اور اسرائیلی آبادکاری موجودہ دور کی بدترین مثال ہے۔

See also  Protest Against Harrasment in Islamia College University Peshawar

اس دوران احتجاجی فلسطین کی آزادی کے حق میں شدید نعرے بازی جاری رہی۔

Leave a Reply

Your email address will not be published. Required fields are marked *